- Lyrics
- Album list
- Singer Intro
鄭進一
-
世間
霹靂布袋戲---怪傑亂 Lyricist:鄭進一 Composer:鄭進一 Arranger:陳玉立
宇宙銀河界無限 天生萬物名世間 地養眾生輪迴轉 人在世間受苦難 世態炎涼人情淡 人心不足因為貪 天若感世原諒咱 可嘆啊可嘆 人無一物向天還 世間世間 目藥罐仔尚小矸啦
世間啊世間 人情啊冷暖 世態炎涼 怕死的緊溜 世事如棋啊 變化多端 世情若要看破 神仙嘛難 世間啊世間 越來越亂 世面若歹 巧的先溜 世上道理啊 一人啊一款 世界末日啊 與我何干
為何咱這個可愛的世間 想做總統有彼多人 有人講(這有什麼稀罕) (阮家凹鼻的嘛欲選) 橫直誰條攏同款 為何咱這個可愛的世間 海邊仔定定飛來炸彈 有人講(這有什麼稀罕) (叫咱惦惦打無蚊) 誰甲咱著卡細漢 為何咱這個可愛的世間 違規營業的抓袂完 有人講(這有什麼稀罕) (咁有比這囉卡好賺) 伊有親晟做議員 為何咱這個可愛的世間 厝價起甲彼呢高 有人講(這有什麼稀罕) (覓食覓穿儉三冬) 嘛不夠通付頭期款 為何咱這個可愛的世間 駛車比龜咧嗟卡慢 有人講(這有什麼稀罕) (好膽你看上下班) 已經當選世界奇觀 為何咱這個可愛的世間 錢寄銀行無保險 有人講(這有什麼稀罕) (農會乎領錢險破產) 尚好攏寄我卡安全
世間的人啊 何必絕望 世上的心 先超乎同款 世間的好啊 著靠你咱 世界的圓滿 咱的心願
-----------------------------------------
《世間》Sè-kan 鄭進一 Tēnn Tsìn-it
(口白)-----↓ 宇宙銀河界無限 ú-tiū gîn-hô kài bû-hān 天生萬物名世間 thian sing bān-bu̍t bîng sè-kan 地養眾生輪迴轉 tē ióng tsiòng-sing lûn-huê tsuán 人在世間受苦難 jîn tsāi sè-kan siū khóo-lān 世態炎涼人情淡 sè-thài iâm-liâng jîn-tsîng tām 人心不足因為貪 jîn-sim put-tsiok in-uī tham 天若感世原諒咱 thian jio̍k kám-sè guân-liōng lán 可嘆啊可嘆 khó-thàn--ah khó-thàn 人無一物向天還 lâng bô it-bu̍t hiòng thian huân 世間世間 sè-kan sè-kan 目藥罐仔上細矸啦 ba̍k-io̍h kuàn-á siōng sè kan--lah (口白)-----↑
世間啊世間 sè-kan--ah sè-kan 人情啊冷暖 jîn-tsîng--ah líng-luán 世態炎涼 sè-thài iâm-liâng 驚死的緊旋 kiann-sí--ê kín suan
世事如棋啊 sè-sū jû-kî--ah 變化多端 piàn-huà to-tuan 世情若欲看破 sè-tsîng nā beh khuànn-phuà 神仙嘛難 sîn-sian mā lân
世間啊世間 sè-kan--ah sè-kan 愈來愈亂 jú lâi jú luān 世面若䆀 sè-bīn nā bái 巧的先旋 khiáu--ê sing suan
世上道理啊 Find more lyrics at ※ Mojim.com sè-siōng tō-lí--ah 一人啊一款 tsi̍t-lâng--ah tsi̍t-khuán 世界末日啊 sè-kài bua̍t-ji̍t--ah 與我何干 í ngóo hô kan
為何咱這个可愛的世間 uī-hô lán tsit-ê khó-ài ê sè-kan 想做總統有遐濟人 siūnn tsò tsóng-thóng ū hiah tsē lâng 有人講 ū-lâng kóng 這有啥物希罕 tse ū siánn-mih hi-hán 阮兜凹鼻的嘛欲選 gún-tau nah-phīnn--ê mā beh suán 橫直誰牢攏仝款 huînn-ti̍t siáng tiâu lóng kāng-khuán
為何咱這个可愛的世間 uī-hô lán tsit-ê khó-ài ê sè-kan 海邊仔定定飛來炸彈 hái-pinn-á tiānn-tiānn pue lâi tsà-tân 有人講 ū-lâng kóng 這有啥物希罕 tse ū siánn-mih hi-hán 叫咱恬恬較無蠓 kiò lán tiām-tiām khah bô-báng 誰教咱著較細漢 siáng kà lán tio̍h khah sè-hàn
為何咱這个可愛的世間 uī-hô lán tsit-ê khó-ài ê sè-kan 違規營業的掠袂完 uî-kui îng-gia̍p--ê lia̍h bē uân 有人講 ū-lâng kóng 這有啥物希罕 tse ū siánn-mih hi-hán 敢有比這號較好趁 kám ū pí tsit-lō khah hó-thàn 伊有親情做議員 i ū tshin-tsiânn tsuè gī-uân
為何咱這个可愛的世間 uī-hô lán tsit-ê khó-ài ê sè-kan 厝價起甲遐爾懸 tshù-kè khí kah hiah-nī kuân 有人講 ū-lâng kóng 這有啥物希罕 tse ū siánn-mih hi-hán 莫食莫穿儉三冬 mài tsia̍h mài tshīng khiām sann-tang 嘛無夠通付頭期款 mā bô-kàu thang hù thâu-kî-khuán
為何咱這个可愛的世間 uī-hô lán tsit-ê khó-ài ê sè-kan 駛車比龜咧趖較慢 sái-tshia pí ku leh sô khah bān 有人講 ū-lâng kóng 這有啥物希罕 tse ū siánn-mih hi-hán 好膽你看上下班 hó-tánn lí khuànn shàngxiàbān 已經當選世界奇觀 í-king tòng-suán shìjiècíguān
為何咱這个可愛的世間 uī-hô lán tsit-ê khó-ài ê sè-kan 錢寄銀行無保險 tsînn kià gîn-hâng bô pó-hiám 有人講 ū-lâng kóng 這有啥物希罕 tse ū siánn-mih hi-hán 農會夆領錢險破產 lông-huē hông niá-tsînn hiám phò-sán 上好攏寄我較安全 siōng-hó lóng kià guá khah an-tsuân
世間的人啊 sè-kan ê lâng--ah 何必絕望 hô-pit tsua̍t-bāng 世上的心 sè-siōng ê sim 先撨予仝款 sing tshiâu hōo kāng-khuán 世間的好啊 sè-kan ê hó--ah 著靠你咱 tio̍h khò lí lán 世界的圓滿 sè-kài ê uân-buán 咱的心願 lán ê sim-guān
- Special thanks to W.B. Chen for correcting the lyric.
- Related Links: W.B. Chen
|