- Album Intro
- Lyrics
- Album list
- Singer Intro
鄭進一
-
老父
Lyricist:鄭進一/陳維祥 Composer:鄭進一 Arranger:王豫民
一個人治外面坐 彼是阮老父 孤單是伊的人客 往事是彼杯茶 寄月娘傳乎尹某的批 不知收著袂 講妳著不免掛念 厝內底 的大大細細 爸爸的面上 所留的 是晟咱一家換來的代價 一雙手 一雙鞋 一步一步牽咱經過 爸爸的一生 甲算算咧 嘛不曾 真正享受過 若不有孝 無機會 因為一個人 只有 一個老父
一個人治房間躺 彼是阮老父 思念是伊的棉被 要蓋減一個 寄天星傳乎阿母的批 不知收著袂 講我會乖乖聽話 有孝阿爸 呷甲百二歲 爸爸的身軀 所流的 是甲阮同款的血脈 一枝草 一點露 一代一代 千秋萬世 爸爸的一生 甲算算咧 嘛袸無外久的日子通過 若不有孝 無機會 因為一個人 只有 一個老父 因為老父 去到叼 嘛無地賣
-----------------------------------------
《老爸》Lāu-pē 鄭進一 Tēnn Tsìn-it
一个人佇外面坐 tsi̍t-ê-lâng tī guā-bīn tsē 彼是阮老爸 hit sī gún lāu-pē 孤單是伊的人客 koo-tuann sī i ê lâng-kheh 往事是彼杯茶 óng-sū sī hit pue tê 寄月娘傳予怹某的批 kià ge̍h-niû thuân hōo in-bóo ê phue 毋知收著未 m̄-tsai siu-tio̍h buē 講你著毋免掛念 kóng lí tio̍h m̄-bián kuà-liām 厝內底的大大細細 tshù-lāi-té ê tuā-tuā-sè-sè
爸爸的面上所留的 pa--pah ê bīn-siōng sóo lâu--ê 是晟咱一家換來的代價 sī tshiânn lán tsi̍t-ke uānn lâi ê tāi-kè 一雙手 tsi̍t-siang tshiú 一雙鞋 tsi̍t-siang ê 一步一步牽咱經過 tsi̍t-pōo tsi̍t-pōo khan lán king-kuè
爸爸的一生 pa--pah ê it-sing 共算算咧 kā sǹg-sǹg--leh 嘛毋捌真正享受過 Find more lyrics at ※ Mojim.com mā m̄-pat tsin-tsiànn hiáng-siū--kuè 若毋有孝 nā m̄ iú-hàu 無機會 bô ki-huē 因為一个人 in-uī tsi̍t-ê lâng 只有一个老爸 tsí-ū tsi̍t-ê lāu-pē
一个人佇房間䖙 tsi̍t-ê-lâng tī pâng-king the 彼是阮老爸 hit sī gún lāu-pē 思念是伊的棉被 su-liām sī i ê mî-phuē 欲蓋減一个 beh kà, kiám tsi̍t-ê 寄天星傳予阿母的批 kià thinn-tshinn thuân hōo a-bú ê phue 毋知收著未 m̄-tsai siu-tio̍h buē 講阮會乖乖聽話 kóng gún ē kuai-kuai thiann-uē 有孝阿爸 iú-hàu a-pah 食甲百二歲 tsia̍h kah pah-jī-huè
爸爸的身軀所流的 pa--pah ê sin-khu sóo lâu--ê 是佮咱仝款的血脈 sī kah lán kāng-khuán ê hueh-me̍h 一枝草 tsi̍t-ki tsháu 一點露 tsi̍t-tiám lōo 一代一代 tsi̍t-tāi tsi̍t-tāi 千秋萬世 tsian-tshiu bān-sè
爸爸的一生 pa--pah ê it-sing 共算算咧 kā sǹg-sǹg--leh 嘛賰無偌久的日子通過 mā tshun bô-guā-kú ê ji̍t-tsí thang-kuè 若毋有孝 nā m̄ iú-hàu 無機會 bô ki-huē 因為一个人 in-uī tsi̍t-ê lâng 只有一个老爸 tsí-ū tsi̍t-ê lāu-pē
因為老爸 in-uī lāu-pē 去到佗嘛無地買 khì kàu tueh mā bô-tè bé
- Special thanks to W.B. Chen for correcting the lyric.
- Related Links: W.B. Chen
|